The Blindfolded Lion

Par des yeux les deux fenestres:
Darts d'amour deviennent maistres.

Quand on jecte au lion un drap dessus la teste,
La veue luy prenant, on prendra tost la beste;
Farouche nul sera quant il est pris aux yeux,
Apprivoisé seras, si tu es amoureux.

Oeil gaigné, corps perdu.

L'oeil au lion perdu, pert aussi tost sa vie:
Le chef d'armée ainsi faict peur a sa partie,
Par monstres non cognus, ou quelque aspect hideux.
Il gaignera le coeur, qui a gaigné les yeux.

LUCE 11. 35.
Regarde que la lumiere qui est en toy, ne soyent tenebres.
Le fin-rusé veneur le grand Lion attrape,
En luy gaignant les yeux, d'un voile de sa cappe;
Combien des braves gens sont par leur yeux frappez!
Nos yeux, helas! nous sont fenestres de pechez.