Candles

Flambeau qui fume, tost se rallume.

As tu esteint l'amour? ne fay tant la bravade,
Sa flame, a ton flambeau jectant comme un oeillade,
(En cas que seulement l'approches tant soit peu)
D'un traict non apperceu te mettra tout en feu.

En vertu novice, rechet bien tost en vice.

Si tu viens de chasser le vice de ton ame,
O ne t'approche pas a ta vieille flame;
Car bien que d'estre esteint te semble ce flambeau,
En l'approchant du feu, il brusle de nouveau.

MATTH. 5. 6.
Bien heureux sont ceux qui ont faim & soif de justice: car ils seront rassasiez.
Bien que la chair ait faict a ma foy grande bresche,
Tu n'esteins pas, mon Dieu, la my-esteinte mesche:
Quant je regarde a toy, mon ją debil flambeau
S'esclaircit derechef d'un lustre tout nouveau.