The Face of Rejection

Qui le voit d'arriere,
Ne faict que rire.

Le masque te faict peur: mais, mon amy, de grace,
Regarde, aussi le dos, non seulement la face;
Tu, qui plains grievement, ton malheureux amour
Y trouveras soulas, si prens un autre tour.

De vaine crainte,
injuste plainte.

Le masque, regardé au front du faux visage,
Aux idiots enfans abbat tout le courage,
Mais qui voit l'autre bout, y trouve moins que rien,
Nous n'aurons point du mal, si nous le prenons bien.

Le fol s'enfuit, le sage s'en mocque.
Comme, aux enfans, paroist le masque espouventable;
A l'homme ainsi la mort ressemble miserable,
Mais qui, de tous costés, ces monstres taste & voit,
En fin n'y trouve rien qu'espouvanter le doit.

PSALM. 15. 15.
Toute sorte de morts des bien-aimés de l'eternel est precieuse devant ses yeux.