The Lamprey

Et mesme l'eau a son flambeau.

Que sert au pauvre amant de tracasser le monde
Puis qu'on se sent brusler au plus profond de l'onde?
Murene rien ne faict que par la mer flotter,
Si est-ce qu'on la voit ce non obstant brusler.

d'Amour captif, devient oisif.

Moy, qui soulois souvent passer la mer a nage,
Ne fais rien maintenant, qu'a mon soleil homage.
L'amour est un tiran; il veut le coeur entier,
Par la tout amoureux, oublie son mestier.

PSEAUM. 27. 1.
L'eternel est ma lumière & ma delivrance: de qui aurai-je peur?
La sange de la mer m'alloit dessus la teste,
J'estois environné de maint' hideuse beste;
Mais puis que le soleil m'a faict nager si haut,
Du goufre de la mer maintenant ne me chaut.

JONAS. 2. 4. 6.
Les eaux m'ont environné jusques a l'ame, l'abisme m'a enclos tout a l'entour, la rosiere s'est entortillée a mon chef.
Mais tu as fait remonter ma vie hors de la fosse o eternel mon Dieu.