The Woodpecker

Perseverer faict importer.

Ce troncq pouvoir percer le Pic se met en teste,
D'un coup, sans plus frapper, o qu'il est sotte beste!
Semblable impression forge en son coeur l'amant,
Mais sache, pauvre sot, qu'il faut frapper souvent.

Il n'a faict, qui commence.

Le picq voulant percer le tronq, de vive force,
A peine de son becq ayant percé l'escorce,
Va regarder a tous moments si l'arbre est creux:
Il se chatouille trop quiconque est amoureux.

ECCLES. 3. 24.
La presumption a deceu plusieurs.
Le Pic auroit bien tost la fin de son ouvrage,
Si de son bec n'avoit conceu trop grand courage:
Un coeur presumptueux ne fera rien du bon,
Puis qu'il a de son faict trop grand' opinion.

PROVERB. 2. 12.
As tu veu un homme qui cuide estre sage? il y a plus d'esperance d'un fol, que de luy.

VERS. 16.
Le paresseux s'estime estre plus sage, que sept qui baillent sage conseil.